بعــدك حبيبــي عالبــال
مجموعة قصائد
شعر شعبي عراقي وعامية عربية
بقلم : حكمت البيداري
الحقوق محفوظة للكاتب قانونياً
البريد الألكتروني
لمزيد من القصائد
http://albidari.bidaro.com/index.htm
الموقع الرئيسي
ّّّّّّّّّّّ
بعدك حبيبي عالبال
أنتَ ذاك . هَذاك أنتَ
بَعدك حَبيبي عالبال
أبگلبي ذاك هذاك أنتَ
لا ما يغيرني حال
كُلما أمّر بِالديره
أذكر أيّام الجيره
أشلون أنساك
أبگلبي ذاك
أبروحي ذاك
هذاك أنتَ .. هذاك أنتَ
..
يا أحلى أحلام العُمر
ياعشگ أيّام الزُغر
من يم بابكُم مِن مَريت
حَنيت ألك وأشتاگيت
أخذنّي الشوگ .. لبعيد ابعيد . بعيد ابعيد
وتمنيت أنّا وياك .. أنّرد أزغار .. وبعُمر جديد
لكن ياوسفه .. ياوسفه
خَذانّه الشيب وبان الكُبّر
يا أحلى أيّام الزُغر
..
أني أبذكّرك .. دوم أبذكّرك
إي والله .. إي والله
بكُل أفراحي .. بكُل أحزاني
ضحكه أبضحكه .. آه بآه..آه بآه
طيفَك مافارگ خَيالي
يا گُمر منوّر الليّالي
وين ماروح أنتً ويايه
أبطرف لساني بكُل أحچايه
حُبك يسّري بروحّي ودمّي
يجّري ويّاه .. يجّري ويّاه
..
أللي راح مايرجع
مثل ماچان .. مايرجع
أعيش الذكّرى واتّوجّع
يا أنسان مِن يتذكّر ما يتّوجّع
لاكن شيفيد .. شيفيد الندّم
گدّام عيونّا . كُلشّي أنهدّم
أعتّب عَلّيك .. عَلّيك يازمّن
يازمّن ماألك أمّان
أللي راح مايرجّع
مِثل ماچان
مايرجع
حكمت البيداري
ّّّّّّّّ
من دون كل الناس
من دون كل الناس .. أنتَ
الرقه والأحساس .. أنتَ
يانبع يروي حنان … چفوفك بر الأمان
تاج أنتَ فوگ الراس … وحبي الك ماينقاس
من دون كل الناس .. أنتَ
كلامك حبيبي طعمه عسل … همسك عواطف مليانه أمل
أنتَ الملك والأمير … ياأبو الگلب الچبير
يللي بصفاتك ماصار وحصل ..
يانبع يروي حنان ..
أحلامي حبيبي أغلى الأمنيات … وياك ياروحي شمحلى الحياة
خليت عمري دوم … يوم أسعده من يوم
ماگدرت علينا شلت الشمات ..
يانبع يروي حنان ..
يحرسك حبيبي رب العباد … يحميك يبعدك عن الحساد
ياجنتي ياملاك … العذال كلها فداك
حبك ملك مهجتي … ولب الفؤاد
يانبع يروي حنان ..
من دون كل الناس أنتَ
حكمت البيداري
2002
‘ّّّّّّ
أبتسم أرجوك
أبتسم أرجوك ولو لحظه أبتسم
ليش الحزن والهم على وجهك يرتسم
عيش عمرك ساعه ساعه
بكره تندم على ضياعهْ
والندم كاساته سم
أبتسم ارجوك ولو مرة أبتسم
ياحبيب العمر وأغلى
الدنيا حلوه وانت أحلى
كل مصاعبها تهون
بسحر رمشك والعيون
أغمزلها أتصير سهلى
عيش عمرك ساعه ساعه
بكره تندم على ضياعه
والندم كاساته سم
أبتسم أرجوك ولو مره أبتسم
أقترب مني تعال
أنعيد أيام الوصال
يكفي تحرم روحي منك
أحير من تسالني عنك
بُعدك الها هوايه طال
عيش عمرك ساعه ساعه
بكره تندم على ضياعه
والندم كاساته سم
أبتسم أرجوك ولو مره أبتسم
ياحياتي ياصبر مرمر مهجتي
المن أشكي همومي المن وأنتَ علتي
كافي تظلم گلبي كافي
عيوني تسهر وأنتَ غافي
يمتى تضحكلي يمتى ترجّع ضحكتي
عيش عمرك ساعه ساعه
بكره تندم على ضياعه
والندم كاساته سم
أبتسم أرجوك ولو مره أبتسم
حكمت البيداري
ّّّّّّّ
شي وأنكسر
شي وأنكسر
مايرجع صحيح
يبقى الأثر
يبقى، يذكر الجريح
أنصحك گبل العتب
أعرف أشچان السبب
ومهما صبر
اللي يتألم يصيح
شي وأنكسر
مايرجع صحيح
ياصديقي
العمر أيام تمضي
حلوه ومره
أيّام دموع وحزن
وأيّام ضحكه ومسره
ياصديقي
أحنه هم لازم أنضحي
الناس كلها أمضحيه
أيّام غيم ومطر
وأيّام شمس ومصحيه
وثمر الشجر لابد .. لازم يطيح
شي وأنكسر مايرجع صحيح
ياصديقي
إِللي فاتك .. راح
لاترجع تعده
والجاي الك مجبور
رايح تهده
ياصديقي
اللي باعك أشتريه بسعره
لا تبيعه
أخذ من غدره عبره
لا تضيعه
أتعب أكثّر
أكثّر من ما تستريح
شي وأنكسر
مايرجع صحيح ..
حكمت البيداري
بغداد 1996
مهداة لصديقي العزيز
دانيال ميخائيل دانيال
مع التقدير
ططططط
من أشوفك
من أشوفك
أحس بالأمان
وروحي بوجودك
يغمرها الحنان
وياك يا أرق أنسان
انسى الزمان
انسى المكان
من أشوفك
يا أحلى حلم من الأحلام
گلبي بهواك حب وهام
جمعتني وياك أجمل صدفه
بأسعد يوم من الأيام
أنسى الزمان
أنسى المكان
من اشوفك
بنظرة خجولة ترسل سلام
همس النسيم دافيء الكلام
يامن بنورك نورت روحي
ودنيایه گبلك چانت ظلام
أنسى الزمان
أنسى المكان
من أشوفك
أتمنى لو أغفى وأنام
ليله على صدرك مثل الحمام
شيصر لو أظل أعيش
ولوعمري طال الف عام
أنسى الزمان
أنسى المكان
من اشوفك
حكمت البيداري
ّّّّّّّّّ
أحنا أنحبكم
أحنا أنحبكم يا هل ناس
شكد ما بالروح من أحساس
أنتوا الهوا أنتوا الريّا
أنتوا الزاد أنتوا الميّا
لولاكم يموتنا الجوع
والعطش ييبس لظلوع
وتنگطع بينا الأنفاس
ياناس رحمونا أشويا
..
نحبكم للاه بللآه
يل سببتوا النا ألآه
ما عدنا وياكم كل غايه
غيرالحب وأحلى حچايه
ليش الصد ياهل ناس
منوا الراح وأخذ وياه
..
چم دوب انظل نترجاكم
واحنا الما قصرنا وياكم
فتحنا قلوبنا عالبابين
وشلناكم برموش العين
وحطيناكم فوگ الراس
كل هاي .. ما نلنا رضاكم
..
سلمنا وما رديتوا
وياكم أجينا وماجيتوا
عين أبعين شفناكم
تميلون عنا اشجاكم
عدكم قسوة ماتنقاس
ياويله من حبكم يهوا
..
حكمت البيداري
ّّّّّّّّّ
أسمك ياعراق
أسمك ياعراق وين ينام . وين ينام ويغفى
شفى أتغار وتحسد . تغار وتحسد شفه
أحتار الگلب يضمك وين .. لكل دگه تصحالك عين
أسمك ياعراق .. وين ينام ويغفى
..
أسمك لو ناديته .. لو ناديته يتمنى
بصوته البلبل بيه .. يغرد بيه ويتغنى
حلو النغم حلو المعنى .. هلاهل أعراس وحنى
أسمك ياعراق .. وين ينام ويغفى
…
أسمك مثل الغيمه .. مثل الغيمه الطيبه
تمطر فرح وخير .. فرح وخير حبيبه
نافوره من مي الجنه .. العطشان عليك يتعنى
أسمك ياعراق .. وين ينام ويغفى
…
أسمك شمس وتشرق .. تشرق وتمحى الظلمه
أتشوف التايه وين .. دربه منين أتعلمه
تعلمه وين دربه منين .. مو لمفتح حتى الأعمى
أسمك ياعراق .. وين ينام ويغفى
..
حكمت البيداري
بغداد
ّّّّّّّّّ
عراقنا الأحلى
أحلى من عراقنا مانلگه
وين ما نروح
شما فرحنه شما حزنه
شما حملنه جروح
طيور طرنه ولفينه
العالم لف
الدنيا كلها أبچفه
وطنه أبچف
أفيش ياعراقنا أفيش
يل طاريك يرد الروح
..
ياعراقنا
يانبع الحنان
الطيبه والوجدان
ياعراقنا
يادار الأمان
الدين والأيمان
مهد الحضارة دمت
مثل شمس ما غبت
تبقى وي الزمان
تبقى .. ياعراقنا
..
حكمت البيداري
ّّّّّّّّّّ
..لا لتقسيمك ياعراق
يا أبن العراق
يا أبن العراق
كافي سكته
حيل أصرخ
هذه حقي يا سراق
هذا قرار أهل الفتن
هذا قرار أهل الشقاق
خل يدعون
أشما يدعون
أللا لتقسيمك ياعراق
بسنوني أگطعك يا أصبعي
لو أشرت بالأتفاق
چلاب ولتمت
وكل چلب يريد عظه
من جسم تعبان
وأطرافة مكسره ورضه
چلاب مسعوره
عورتها عوره
ندريها أجتنا منين
مرتزقه جواسيس مأجوره
لا مذهب ولا دين
ولا غيرة عراقين
گولوا
لهذوله الملاعين
گولوا
لهذوله الشياطين
لا لدجلکم
ولا لنفاقکم
قوتنه هيَ خوتّنا
بعون الله ينهض
و يگوم العراق
ويكسر أخشوم الخانتّنا
خل نبقى جوعانين
خل نبقى عطشانين
خل نبقى عريانين
بس نبقى عراقين
أبكلشي رضينا سكتّنا
لاکن لا .. لا
لا لتقسيمك ياعراق
حكمت البيداري
10-9-2006
ّّّّّّّّّّ
يبقى العراق
يبقى العراق
يبقى ألاقوى
تاريخ وناس وگاع
لو عثر يمه أسم الله
ينهض يگوم أبساع
هوا ألاصل هوا الفصل
عروگ الجسد ما تنفصل
تضيع دنيا يضيع زمن
يبقى العراق عراق
عمره العراق ماضاع
..
حكمت البيداري
9-9-2006
ّّّّّّّّ
أهم شي
أهم شي
يكون الك ثقه بنفسك
أهم شي لاتقبل أحد يمسك
گول أشما عندك وبكل صراحه أحچي
المن تظم دمعك بحزن وفرح أبچي
ولت سكت أبد حسك
..
أهم شي
أزرع الخير لكل الناس
لابد يوم تحصد الخير وي الناس
الدنيا حلوه أبناسها
همه أساس أساسها
وأنتَّ واحد من هل الناس
..
أهم شي
خليك مُسامح خل گلبك عذير
بالك يوم تنسى بس ربك الچبير
وتحمل زللات الجاهل
عل الحق أبداً لا لتجامل
عيش حر مثل الطير
وين أتريد روح طير
..
أهم شي
أنصحك لا لتغامر
لا تبدل يومك أباچر
أحلامك خليها حقيقه
مثل أحلام العصفور
عش زغير بشجرة حديقه
وحبيبه تمليه زهور
وبغير چَدك لا لتكابر
أهم شي
..
حكمت البيداري
ّّّّّّّّّ
ياغريب
ياغريب أرجع وكافي
كافي تصبر السنين
وطنك صدره دافي
مليان خير وحنين
عيشت الغربه مذله
أرجع لبيتك وأهله
لشوكت تبقى دمعتك
أبطرف عينك يل حزين
ياغريب
هناك بالغربه وحيد
تنام تصحى عالبريد
أحنه هم مثلك أنتاني
كل رساله هلال عيد
عيشت الغربه مذله
أرجع لبيتك وأهله
لشوكت تبقى دمعتك
أبطرف عينك يل حزين
يا عراقي يا أصيل
تنسى أصلك مستحيل
الوطن مثلك وأكثر
ما اللا بالدنيا مثيل
عيشت الغربه مذله
أرجع لبيتك وأهله
لشوكت تبقى دمعتك
أبطرف عينك يل حزين
..
يكفي عذاب الفراق
الهجر مر المذاق
يله شد حيلك تعال
يله أرجع للعراق
عيشت الغربه مذله
أرجع لبيتك وأهله
لشوكت تبقى دمعتك
أبطرف عينك يل حزين
يا غريب
..
حكمت البيداري
9 نيسان 2004
ّّّّّّّّّّ
وين العرب
يلي تسأل وين العرب
أنا اگلك
وأنطيك حلك
العرب
ماعادو عرب
تغيروا
تبدلوا
صاروا بقايا من خشب
عگب ماكانوا ذهب
لاتگول وشلون
لاتگول أشعجب
كل شي بهل زمن وارد
الفارة أصطادة المارد
غيرتهم تحجرة
شهامتهم تبخرة
وتاريخهم ماعاد عايد
عگب المواگد والدلال
جمرهم تحول ثلج بارد
مشاريبهم
مواجيلهم
حلال أبحلال
بس بالختم والهوية
والعلامات التجارية
والصادر والوارد
بس بعدهم
يگولون حنا عرب
وهذ صحيح
بس بالمجالس
بس بالمنتديات
بس بالمجلات
بس بالجرايد
حكمت البيداري
ّّّّّّّّّ
طنشّ
طنشّ
وأمشي گُبّل
لاتعّاين
لايمين ولايسّار
طنشّ
ولاچنّك بشّر
علی آلسچّه يمشّي
قطّار
طنشّ يابو مطنشّ
الدّنيا ماتسوه قرش
غَصبن علىّ خَشمك وخشمي
على آلجبّان وعلىّ النشمي
دولاب الدّهر يندار
عوفَك مِنّ آلنّاس وحچيها
عوفَك مِن ضحكّها وبچّيها
العدّل لو يبّقى عدّل .. رَحمه
وألاعّوج لو ينعدّل .. هَم ْ رَحمه
لاتظنّها تبقّى سكّته
يجيلك يومْ ويجَيها
لو تشتّري الدّنيا كُلها
لاتظّن ماتلگه اليبّيعكّ
نشّاز أصّير بين آلنّاس
لوتسّاوت أصّابيعكّ
الّمن أمتعّب أبروحكّ
الّمن أتعد وتحسّبْ
هذا خوش وذاك شين
هذا يصّدگ ذاك يکذبْ
الّمن أمدوّخ دمّاغكّ
ذبها كلّها على آلصّاغكّ
هوّا بس صاحب الدفتر
هوّا من يمسح ويكّتب
حكمت البيداري
ّّّّّّّّّ
شــمر بيا
يامـن جيتني تســأل بلجرا و .. شــمر بيا
دولاب الدهر والأهـل فرني و .. شمر بيا
منهم أقرب الناس جر سهمه و .. شمر بيا
مو غريب الطعن گلبي وبيه خنجره خَلّه
المعني ..
بلجرا وشمر بيا .. ماجرى ومر بي
فرني وشمر بيا .. لوح بي ورماني
جر سهمة وشمر بيا .. سحب سهمة ورماني به
خنجره خَلّه .. وضع أو ترك خنجره
حكمت البيداري
ّّّّّّّّّ
جرح الگلب
جرح الگلب احساس .. ما يطيبه التداوي
ماظل ثقه بالناس … بعد المن أخاوي
كل ظني اللي خلان … تالي طلعوا عدوان
ردوا جزا الأحسان … ردوه غدر وبلاوي
هل ناس
..
أيّام الحزن تمر دوم … طويله وثگيله
لحظات الفرح ماتدوم … قصيره وقليله
يامن أشتريته وباع … تندم تراك أبساع
ما تجني غير الفگر … يلي عشت حيله
وي الناس
..
اللي يگع مظلوم … تكثر سچاچينه
غربان بين أتحوم … أبيساره ويمينه
الدنيا تراها أدور … تهدم قلاع وقصور
والما أللا منكم عون .. الله اليعينه
من الناس
..
حكمت البيداري
22.12.2002
ّّّّّّّّّّ
من يابشر أنتََّ
شتريد أسميك .. شتريد أوصفك
من يابشر أنتَّ .. يا بشر صنفك
وجه بوجه لاگيتك
عين أبعين خليتك
سلمت والسلام لاالله . رديت
أسف .. أسف أني ما أعرفك
- -
أنتَّ الچنت عندي .. أعز أحبابي
أحلى أيام عمري .. فرحة شبابي
بلاسبب صديت عني بلاسبب
وأني الك .. بس الك مفتوح بابي
أشكيك للباري تعالى .. كون تتعذب عذابي
وجه بوجه لاگيتك .. عين أبعين خليتك
سلمت والسلام لاالله . رديت
أسف .. أسف أني ما أعرفك
- -
لاتظن طابت جروحي.. لاتظن نساني هجرك
لو چنت أنتَّ ساهي .. لو تحب وأتريد أذكرك
شفايفي ياما رسمت آهات
على شفايفك .. فوگ صدرك
همه من يشهد عليك .. على نكرانك وغدرك
وجه بوجه لاگيتك .. عين أبعين خليتك
سلمت والسلام لاالله . رديت
أسف .. أسف أني ما أعرفك
..
حكمت البيداري
2002
ّّّّّّّّ
ليش أشبيك ..؟
كلمة سهل وبيها تسأل
وچنك أبد . أبد ماتدري
تعال يمي تعال أوصل
شگلي ثوبي شگلي صدري
وفتح عيونك وشوف
شبيه مابيه من هموم ومن مصايب
شمر عليا من ضروف
وأنتَّ عني يا حبيبي سنين غايب
منو الي عاش عمرين وأكثر
چذب من گال يتكرر
ومن عمرنا .. دگلي أشبقى
عندك وعندي ياعمري
حكمت البيداري
ّّّّّّّّّ
گوه عايش
يلي تسأل على حالي
گوه عايش . گوه أتنفس هوا
ما تحرك بس خيالي .
أبوجه الشمس . عيوني ما شافت ضوا
أحس نفسي . ما اللي لزوم
بس للقهر . بس للهموم
إيه .. إيه يا روحي
نبقى نتألم سوا
…
وياچ يادنيا الجنيته
بس عذاب
تعبي ضيعته ولگيته
چف تراب .
الفرح ما مرني مره
بالچذب وهم وسراب
الألم بضلوعي جمره
نار وصلت للثياب
الطب سگاني الوان السموم
گلت يمكن تشفيني وأگوم
عذبت وياي روحي
علتي ما الها دوا ..
…
أنهدمت أحلام عمري
ظلت خراب
خلصت اسنين صبري
بلا ثواب
اللحد مفتوح بابه
للناس شيب وشباب
الجسد راد لترابه
لابد من يوم الحساب
يا أجل عجل . القدر مقسوم
فوگ جسمي يكفي تحوم
بلا أمل خلصت حياتي
ثمره ما الها نوا .
حكمت البيداري
بغداد
ّّّّّّّّّ
خربش خربش
شو بدك تكتب أكتب
مش حنلومك ولانعتب
من حقك تقول الحق
ولو بدك تكذب أكذب
بس خليك فاكر حاجة
بلي أتقولو ملناش حاجة
بالمفهومية مش محتاجة
وحسبها زي ماتحسب
لو جالك في يوم مخبر
أوعى عن أصحابك تخبر
كم شلوت وعليهم أصبر
أكسب أجرك فيهم أكسب
ويعني أيه يعني ضربوك
صاحبك أيوا وزي أخوك
وحياة أبويا وحياة أبوك
مش مستاهله تجينا تعتب
علشان تعيش ماتكلش غيرها
يله قوام قوم أكتب غيرها
بس أوعا متكونش غيرها
لحسن تاني المخبر وهُب
حكمت البيداري
10 مارس 2007
ّّّّّّّّّّ
طير الَگطى
گلبي الك .. طير الگطى
أرجوك لاتفكر بالخطى .. أخذني الك ستر وغطى
غيرك أنت ما اللي حبيب .. ياشمس عمري لا تغيب
گلبي الك طير الگطى
..
معي لا تلعب بالخفى .. ملكك أنا بحب ووفى
ليله على صدر ليلاه .. يا مسعده النام وغفى
غيرك أنت ما اللى حبيب .. ياشمس عمري لا تغيب
گلبي الك طير الگطى
..
تبخل علي ابگبلة شفه .. گلبي العليل وعندك الشفى
أرحم بحالي عل جرالي .. زاد ناري وما طفى
غيرك أنت ما اللي حبيب .. ياشمس عمري لا تغيب
گلبي الك طير الگطى
..
أحلم معك بلحظة صفى .. همسك رگيگ كلامك دفى
ساحرني حسنك يا جمالك .. حاير أنا كيف أوصفه
غيرك أنت ما اللي حبيب .. ياشمس عمري لا تغيب
گلبي الك طير الگطى
حكمت البيداري
2001
ّّّّّّّّّ
ضرير
ضرير
بس من حقي أحب
أنسان عندي روح وگلب
المشاعر نفس المشاعر بيني وبينك
أني احس بوجودك وأنتَّ تشوف أبعينك
مثلك أفرح مثلك أضحك
مثلك أحزن ودموعي تصب
..
ضرير
هذا هوا قدري
مو بيدي أمري
مؤمن بأمر الله ينورلي روحي نور
مؤمن بأمر الله أعبر ظلام البحور
مو كل البشر تملك مثل صبري
..
ضرير
لكن..أفكاري دافئه جميله
عواطفي شفافه نبيله
دوم تلكاني مبتسم
صادق في كلامي
ما أفرق من أسلم
للناس كلها سلامي
هذا طبعي ما أعرف الحيله
..
ضرير
تكفيني عصاتي وهى دلليل الضرير
أحلامي بسيطه مثل أحلام العصافير
أثق بكل الناس وأنطيها أيدي
يوم الأصادف صديق يصير عيدي
يكفيني أمشي وياه
ما أطمع أطير
ضرير
حكمت البيداري
بغداد 1998
ّّّّّّّّّ
ياگمر
ياگمر دزلي خبر .. وين الگاه
ياگمر گلبي الصبر .. شلون ينساه
گله يمر بيا عطشانه حنييا
من حبه يروني أنا فراگه ياذيني
..
ياگمر من غاب عني ها مرت سنه
ياگمر بس نوح وني ماظگت الهنا
گله يمر بيا
.
